Үзем дә яратып пешердем, кызым да яратып пешерер болай булгач. Дәү әнисенең рецепты бит. Меңләгәннәр пешерде, тагын пешерми калучылар бардыр. Эштән кайтуыма пешереп тә куйган. Матур кичләр!
Барыбер сорарсыз. Рецептын кабат калдырам.
Тәбикмәк.
Рецепт
Кирәк:
-1 литр сөт;
-2-3 йомырка ;
-4-5 аш кашыгы сыек май ;
-2 аш калагы шикәр комы (кем ничек ярата);
-1 чәй калагы тоз (чыгышына карап);
- 1 чәй калагы өеп чи чүпрә ;
- Он;
Чүпрәне әчетеп алабыз ( ярты стакан җылы суда чүпрә, 1 чәй калагы шикәр комы, 2-3 аш кашыгы өеп он. Яхшылап богатабыз, күбекләнеп күтәрелеп менә)
Җылытылган сөткә йомырка, тоз, әзер әчене, шикәр комы, сыек май, салып яхшылап болгатабыз, шуңа онны акрынлап кына өстәп, куерак кына тәбикмәк камырын әзерләп, җылы урынга 1 сәгатькә кабартырга куябыз.Күбекләнеп күтәрелеп менә. Кызган табага(беренчесендә табаны майлыйм, калганында юк)салып, бисмилланы әйтеп берәм - берәм пешерә башлыйбыз, майлап өеп барабыз. Гаиләбез белән чөкердәшеп тәмләп чәй эчәбез! (Г.Фәтхулова)
#миллиашлар#тәбикмәк#ГөлчәчәкФәтхулова#Сургут
